ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ງານມະຫະກຳກິລາມະຫາວິທະຍາໄລລາວ ຄັ້ງທີ I

Champasuk1        ພະແນກສຶກສາທິການ ແລະ ກິລາແຂວງຈຳປາສັກ ກໍ່ຄືແຂວງຈຳປາສັກ ເປີດການແຂ່ງຂັນກິລາ 15 ປະເພດ ທົ່ວແຂວງ ປະຈຳປີ 2017 ເພື່ອເປັນການຊຸກຍູ້ສົ່ງເສີມວຽກງານກິລາ-ກາຍະກຳ ເຂົ້າເຖິງ​ນັກຮຽນ​,​ ເຍົາວະ​ຊົນ​ໃຫ້ມີ​ສຸຂະພາບທີ່​ດີມີ​ພະລະ​ນາ​ໄມ​ສົມບູນ​ແຂງ​ແຮງ, ປູກ​ຈິດ​ສຳນຶກໃຫ້​​ເຂົາ​ເຈົ້າຫັນ​ມາ​ຫຼິ້ນກິລາ ​ເພື່ອ​ຫ່າງ​ໄກ​ຈາກ​ສິ່ງ​ເສບ​ຕິດ ທັງ​ປະຕິບັດ​ໄດ້ຕາມ 3 ລັກສະນະ ​ແລະ 5 ຫຼັກ​ມູນ​ຂອງສຶກສາ ທີ່​ກະຊວງ​ສຶກສາ​ທິການ ແລະ ກິລາ ວາງ​ອອກ ​ໃຫ້​ປະກົດ​ຜົນ​ເປັນ​ຈິງ.

ພິທີເປີດການແຂ່ງຂັນກິລາປະຈຳປີໃນຄັ້ງນີ້ ໄດ້ຈັດຂຶ້ນໃນ​ວັນ​ທີ 30 ທັນວາ 2016 ທີ່ສະໝາມກິລາແຂວງ (ຫຼັກ 2), ໂດຍພາຍໃຕ້ການເປັນປະທານຂອງ ທ່ານ ບົວລິນ ວົງພະຈັນ ຮອງເຈົ້າແຂວງຈຳປາສັກ, ທັງເປັນປະທານສະມາຄົມກິລາແຂວງ, ມີທ່ານ ສີພັນ ວົງເຮືອງຄຳ ຫົວໜ້າກອງບັນຊາການປ້ອງກັນຄວາມສະຫງົບ​ແຂວງ​ ແລະ ທ່ານ ນາງ ແສງສຸວັນ ຊຸຍພະສິດ ຫົວໜ້າພະແນກສຶກສາທິການ ແລະ ກິລາແຂວງ ພ້ອມດ້ວຍບັນດາຫົວໜ້າພະແນກການ-ກົມກອງອ້ອມຂ້າງແຂວງ, ຫົວໜ້າ-ຮອງຫົວໜ້າຫ້ອງການສຶກສາທິການ ແລະ ກິລາ 10 ຕົວເມືອງ, ສະຫະພັນກິລາແຕ່ລະປະເພດ, ຄູເຝີກ, ນັກກິລາ ແລະ ບັນດາບໍລິສັດຫ້າງຮ້ານທີ່ໃຫ້ການສະໜັບສະໜູນເຂົ້າຮ່ວມຢ່າງພ້ອມພຽງ.

ການ​ແຂ່ງຂັນ​ກິລາທົ່ວແຂວງຄັ້ງນີ້ ມີທັງໝົດ 15 ປະ​ເພດກິລາ ​ຄື: ເຕະບານ​, ກະຕໍ້​, ແລ່ນ-ລານ, ບານສົ່ງ, ບານບ້ວງ, ເປຕັງ, ປິ່ງປ່ອງ, ເທັນນິສ, ມວຍ, ເທຄວັນໂດ, ໝາກແລ້, ດອກປີກໄກ່,ໝາກຂ່າງ, ໜ້າເກັກ ແລະ ໝາກເສິກ. ເຊິ່ງຈະເລີ່ມທຳການແຂ່ງຂັນນັບແຕ່ຕົ້ນເດືອນມັງກອນ ເປັນຕົ້ນໄປ ແລະ ຈະໃຫ້ສຳເລັດໃນເດືອນກໍລະກົດ 2017 ​ໂດຍມອບໃຫ້​ແຕ່ລະສະຫະພັນກິລາ ເປັນຜູ້ຈັດການແຂ່ງຂັນ. ການແຂ່ງຂັນກິລາປະຈຳປີດັ່ງກ່າວ ແມ່ນ​ເພື່ອເປັນການ​ສ້າງ​ຂະ​ບວນການ​ທາງ​ດ້ານ​ກິລາ​ ໃຫ້​ມີ​ບັນຍາກາດຟົດ​ຟື້ນມ່ວນ​ຊື່ນ, ​ສ້າງໃຫ້ນັກກິລາ​ຮູ້ໄດ້, ຮູ້​ເສຍ,​ ຮູ້​ໃຫ້ອາ​ໄພ​​ເຊິ່ງກັນ​ແລະກັນ ​ແລະ ເປັນການສົ່ງເສີມກິລາ ໃຫ້ຕິດພັນກັບການຮຽນ-ການສອນ ທັງເປັນການຊອກຫານັກຮຽນຜູ້ທີ່ມີພອນສະຫວັນ ແລະ ຄວາມສາມາດດ້ານການກິລາໃນແຕ່ລະຊັ້ນຮຽນ ພາຍ​ໃນແຂວງ,​ ສ້າງ​ຄວາມ​ສະໝານ​ສາມັກຄີພາຍ​ໃນ​ໝູ່​ເພື່ອນ​ນັກຮຽນ,​ແລກປ່ຽນ​ບົດຮຽນ​ທາງ​ດ້ານ​ເຕັກນິກ​ຍຸດທະວິທີ​ເຊິ່ງກັນ ​ແລະກັນ. ຄຽງຄູ່ກັນນີ້, ກໍ່ເພື່ອເປັນການຊຸກຍູ້ສົ່ງເສີມວຽກງານກິລາ-ກາຍະກຳ ເຂົ້າເຖິງ​ນັກຮຽນ​,​ເຍົາວະ​ຊົນ​ໃຫ້ມີ​ສຸຂະພາບທີ່​ດີມີ​ພະລະ​ນາ​ໄມ​ສົມບູນ​ແຂງ​ແຮງ, ປູກ​ຈິດ​ສຳນຶກໃຫ້​​ເຂົາ​ເຈົ້າຫັນ​ມາ​ຫຼິ້ນກິລາ ​ເພື່ອ​ຫ່າງ​ໄກ​ຈາກ​ສິ່ງ​ເສບ​ຕິດ ທັງ​ປະຕິບັດ​ໄດ້ຕາມ 3 ລັກສະນະ ​ແລະ 5 ຫຼັກ​ມູນ​ຂອງສຶກສາ ທີ່​ກະຊວງ​ສຶກສາ​ທິການ ແລະ ກິລາ ວາງ​ອອກ​ໃຫ້​ປະກົດ​ຜົນ​ເປັນ​ຈິງ.

ຢ່າງໃດກໍ່ຕາມ, ພາຍຫຼັງເປີດພິທີການແຂ່ງຂັນກິລາສຳເລັດແລ້ວ ກໍ່ໄດ້ຮັບຊົມການສະແດງສິລະປະການຫຼິ້ນກິລາເທຄວັນໂດຂັ້ນພື້ນຖານ ເປັນຕົ້ນແມ່ນວິທີ່ປ້ອງກັນຕົວ, ວິທີການຕໍ່ສູ້, ຟ້ອນມວຍລາວ, ເຕັ້ນແອໂຣບິກ, ຟ້ອນດວງຈຳປາ ແລະ ລາຍການອື່ນອີກ 10 ກວ່າລາຍການ ໂດຍແຕ່ລະລາຍການໄດ້ຮັບຄວາມປະທັບໃຈຈາກມວນຊົນທີ່ເຂົ້າຮ່ວມ ດ້ວຍການໃຫ້ສຽງເຊຍ ແລະ ຊົມເຊີຍຢ່າງເປັນຂະບວນການຟົດຟື້ນ ແລະ ມ່ວນຊື່ນ.

Champasuk

     

​                                                                    ໂດຍ: ຂາວ​ພອນ (ຂ.ຈຳປາສັກ).

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png