ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

45ວັນ     ກະຊວງສຶກສາທິການ ແລະ ກິລາ (ສສກ) ໄດ້ສໍາເລັດການຍົກລະດັບທາງດ້ານທິດສະດີກາເມືອງ-ການປົກຄອງ ໄລຍະສັ້ນ 45 ວັນ ຊຸດທີ 7 ໃຫ້ແກ່ພະນັກງານຫຼັກແຫຼ່ງ, ພະນັກງານສືບທອດ ແລະ ພະນັກງານລະດັບບໍລິຫານທຸກຂັ້ນອ້ອມຂ້າງ ແນໃສ່ຍົກສູງຄຸນະພາບຂອງວຽກງານແນວຄິດການເມືອງໃຫ້ໜັກແໜ້ນ-ເຂັ້ມແຂງ.

          ເມື່ອວັນທີ 29 ມີນາ ຜ່ານມາ ທີ່ສະຖາບັນພັດທະນາການບໍລິຫານການສຶກສາ (ຫຼັກ 8) ນະຄອນຫຼວງວຽງຈັນ ໄດ້ສໍາເລັດບັ້ນ​​ເຝິກອົບຮົມທິດສະດີກາເມືອງ-ການປົກຄອງ ໄລຍະສັ້ນ 45 ວັນ ຊຸດທີ 7 ໃຫ້ແກ່ພະນັກງານຫຼັກແຫຼ່ງ, ພະນັກງານສືບທອດ ແລະ ພະນັກງານລະດັບບໍລິຫານທຸກຂັ້ນອ້ອມຂ້າງ, ໂດຍໃຫ້ກຽດເຂົ້າຮ່ວມຂອງສະຫາຍ ບົວລານ ສິລິປັນຍາ ຄະນະປະຈໍາພັກ ຮອງລັດຖະມົນຕີ ກະຊວງສຶກສາທິການ ແລະ ກິລາ, ພ້ອມດ້ວຍບັນດາຫົວໜ້າ-ຮອງຫົວໜ້າກົມ ກະຊວງ ສສກ, ຜູ້ຕາງໜ້າຈາກສະຖາບັນການເມືອງ-ການປົກຄອງແຫ່ງຊາດ (ສມປຊ), ບັນດາກົມ, ຫ້ອງການ, ພະນັກງານຫຼັກແຫຼ່ງ, ພະນັກງານສືບທອດ ແລະ ພະນັກງານລະດັບຜູ້ບໍລິຫານຂັ້ນຫົວໜ້າ-ຮອງຫົວໜ້າພະແນກ ແລະ ວິຊາການຈາກບັນດາພາກສ່ວນອ້ອມຂ້າງເຂົ້າຮ່ວມ.

ໂອກາດດັ່ງກ່າວ, ສະຫາຍ ນາງ ປ້ອງມິ່ງ ສີສະຫວັດ ຮອງຫົວໜ້າຫ້ອງການຄະນະພັກ ກະຊວງສຶກສາທິການ ແລະ ກິລາ ໄດ້ລາຍງານວ່າ: ການເຝິກອົບຮົມທິດສະດີການເມືອງ-ການປົກຄອງ ໄລຍະສັ້ນ 45 ວັນຄັ້ງນີ້, ກໍ່ເພື່ອພັດທະນາຍົກລະດັບທາງດ້ານທິດດີການເມືອງ-ການປົກຄອງໃຫ້ແກ່ພະນັກງານຫຼັກແຫຼ່ງ, ພະນັກງານສືບທອດ, ປ່ຽນແທນ ແລະ ພະນັກງານລະດັບບໍລິຫານຂັ້ນຕ່າງໆ ທັງພາຍໃນສໍານັກກະຊວງ ແລະ ທຸກພາກສ່ວນອ້ອມຂ້າງ ກະຊວງສຶກສາທິການ ແລະ ກິລາ ໄດ້ມີຄວາມຮູ້, ຄວາມເຂົ້າໃຈຢ່າງເລິກເຊິ່ງກ່ຽວກັບທິດສະດີມາກ-ເລນິນ ກໍ່ຄືທິດສະດີການເມືອງ-ການປົກຄອງ; ເພື່ອຍົກສູງຄວາມຮູ້ ຄວາມສາມາດທາງດ້ານການນຳພາ, ສ້າງຄວາມເຊື່ອໝັ້ນ,  ກ້າຕັດສິນໃຈ ແລະ ຍົກສູງຄວາມຮັບຜິດຊອບໃນໜ້າທີ່ວຽກງານຂອງຕົນຫຼາຍຂຶ້ນ; ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງພະນັກງານຫຼັກແຫຼ່ງ, ພະນັກງານລະດັບບໍລິຫານຂັ້ນຕ່າງໆພາຍໃນສໍານັກກະຊວງ ແລະ ທຸກພາກສ່ວນອ້ອມຂ້າງ ໃນການປັບປຸງແບບແຜນວິທີເຮັດວຽກຂອງຜູ້ບໍລິຫານ ໂດຍນຳເອົາແນວຄິດທິດສະດີມາກ-ເລນິນເຂົ້າມາເປັນແນວທາງໃນການປະຕິບັດວຽກງານຕົວຈິງໃນປັດຈຸບັນ ແລະ ອະນາຄົດ ແລະ ເພື່ອໃຫ້ໄດ້ຕາມຄາດໝາຍທີ່ໄດ້ກຳນົດໄວ້ໃນແຜນຍຸດທະສາດ ກໍ່ຄືແຜນພັດທະນາການສຶກສາ ໃນສົກປີ 2016-2017 ໃຫ້ປາກົດຜົນເປັນຈິງ ແລະ ສືບຕໍ່ເຝິກອົບຮົມທິດສະດີການເມືອງ-ການປົກຄອງໃຫ້ເປັນລະບົບຢ່າງຕໍ່ເນື່ອງ.

          ສະເພາະວິທີຈັດເຝິກອົບຮົມຄັ້ງນີ້, ແມ່ນຈັດຕັ້ງການຂຶ້ນຫ້ອງ, ມີເອກະສານກ່ຽວກັບທິດສະດີກາເມືອງ-ການປົກຄອງ ທັງໝົດ 5 ພາກໃຫຍ່ ແລະ 39 ບົດ, ມີວິທະຍາກອນຂຶ້ນບັນຍາຍ, ມີການສະຫຼຸບ, ຖອດຖອນບົດຮຽນ ແລະ ລາຍງານໃຫ້ຂັ້ນເທິງ. ສ່ວນການຮຽນ ແມ່ນຮຽນທຸກໆວັນເຂົ້າການ ຄົບ 45 ວັນ ບໍ່ນັບວັນເສົາ-ອາທິດ, ວັນບຸນປະເພນີ ແລະ ວັນບຸນປະຫວັດສາດຕ່າງໆ, ເຊິ່ງເລີ່ເປີດເຝິກອົບຮົມແຕ່ວັນທີ 23 ມັງກອນ ຫາ 29 ມີນາ 2017.

ນອກຈາກນັ້ນ, ຂະບວນ​​ເຝິກອົບຮົມທິດສະດີກາເມືອງ-ການປົກຄອງ ໄລຍະສັ້ນ 45 ວັນ ຊຸດທີ 7 ຄັ້ງນີ້, ຍັງໄດ້ໄປທັດສະນະສຶກສາ ສະຖານທີ່ສຳຄັນທາງປະຫວັດສາດທີ່ກ່ຽວຂ້ອງກັບບົດຮຽນ ເປັນຕົ້ນແມ່ນໄປທັດສະນະສຶກສາທີ່ ຖ້ຳປີວ ເມືອງຄຳ, ທົ່ງໄຫຫີນ ແລະ ໂຮງຮຽນທິດສະດີການເມືອງ-ການປົກຄອງ ແຂວງຊຽງຂວາງ.

ສໍາລັບເນື້ອໃນຂອງການເຝິກອົບຮົມແມ່ນປະກອບມີ 5 ພາກ, ມີ 39 ບົດຄື: ພາກວິຊາປາດຊະຍາມີ 8 ບົດ, ເສດຖະສາດການເມືອງມີ 10 ບົດ, ລັດທິສັງຄົມນິຍົມວິທະຍາສາດມີ 8 ບົດ, ບໍລິຫານສາດມີ 8 ບົດແລະພາກວິຊາກໍ່ສ້າງພັກມີ 5 ບົດ. ນອກຈາກນັ້ນ, ຍັງໄດ້ເຜີຍແຜ່ເອກະສານວຽກງານປັບປຸງກົງຈັກການຈັດຕັ້ງ ແລະ ບຸຄະລາກອນພາຍໃນ​​ກະຊວງສຶກສາທິການ ແລະ ກິລາ ແລະ ສະເໜີບາງເອກະສານລະບຽບການຕ່າງໆຂອງຂະແໜງການສຶກສາ ແລະ ວຽກງານກົງຈັກການຈັດຕັ້ງພາຍໃນກະຊວງສຶກສາທິການ ແລະ ກິລາ.

          ໃນພິທີດັ່ງກ່າວ, ຍັງ​​ໄດ້ມອບໃບຢັ້ງຢືນໃຫ້ສໍາມະນາກອນທີ່ໄດ້ສໍາເລັດການເຝິກອົບຮົມທິດສະດີກາເມືອງ-ການປົກຄອງ ໄລຍະສັ້ນ 45 ວັນ ຊຸດທີ 7ຈໍານວນ ຈຳນວນ 79 ສະຫາຍ, ຍິງ 39 ສະຫາຍ.

 

ໂດຍ:ສາວບ້ານທົ່ງ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png