ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ກອງສີຄະນະນຳ ກະຊວງສຶກສາທິການ ແລະ ກິລາ ແລະ ມະຫາວິທະຍາໄລ ຮ່າຕິ່ງ ສສ ຫວຽດນາມໄດ້ຫາລືວຽກງານດ້ານການສຶກສາລະຫວ່າງ 2 ຝ່າຍ ໂດຍສະເພາະແມ່ນການຮັບນັກສຶກສາລາວໄປຮຽນທີ່ມະຫາວິທະຍາດັ່ງກ່າວ ໃນສົກຮຽນ 2016-2017 ເພື່ອເປັນການຮັດແໜ້ນສາຍສຳພັນການຮ່ວມມືໃນຂະແໜງການສຶກສາ ລະຫວ່າງ ລາວ-ຫວຽດນາມ ໃຫ້ນັບມື້ມີຄວາມແໜ້ນແຟ້ນຍິ່ງໆຂຶ້ນ.

ເມື່ອວັນທີ 31 ມີນາ ຜ່ານມາ ທີ່ກະຊວງສຶກສາທິການ ແລະ ກິລາ, ທ່ານ ຮສ.ປອ ກອງສີ ແສງມະນີ ຮອງລັດຖະມົນຕີ ກະຊວງສຶກສາທິການ ແລະ ກິລາ ໄດ້ໃຫ້ກຽດຕ້ອນຮັບການເຂົ້າຢ້ຽມຄຳນັບຂອງທ່ານ ຮສ.ປອ ຫງວຽນດິ່ງ ເຖາະ ອະທິການບໍດີ ມະຫາວິທະຍາໄລ ຮ່າຕິ່ງ ສສ ຫວຽດນາມ ພ້ອມດ້ວຍຄະນະ, ໂດຍມີຫົວໜ້າ-ຮອງຫົວໜ້າກົມ ພ້ອມດ້ວຍພະນັກງານທີ່ກ່ຽວຂ້ອງທັງ 2 ຝ່າຍເຂົ້າຮ່ວມ.

ການພົບປະໃນຄັ້ງນີ້, ກໍ່ເພື່ອເປັນການປຶກສາຫາລືວຽກງານໃນຂະແໜງການສຶກສາ ໂດຍສະເພາະແມ່ນການຮັບນັກສຶກສາໄປຮຽນຢູ່ມະຫາວິທະຍາໄລ ຮ່າຕິ່ງ ໃນສົກຮຽນ 2016-2017, ພ້ອມທັງລາຍງານສະພາບການຮັບນັກສຶກສາລາວ ແລະ ສະພາບການຮຽນ-ການດຳລົງຊີວິດຂອງນັກສຶກສາລາວຢູ່ ສສ ຫວຽດນາມ, ເຊິ່ງປັດຈຸບັນນັກສຶກສາລາວຮຽນຢູ່ ສສ ຫວຽດນາມ ລວມທັງໝົດມີ 1.857 ຄົນ. ນອກຈາກນັ້ນ, ຍັງໄດ້ຂໍອະນຸຍາດການນຳ ກະຊວງສຶກສາທິການ ແລະ ກິລາ ເພື່ອດຳເນີນການເຮັດວຽກຮ່ວມກັບມະຫາວິທະຍາໄລແຫ່ງຊາດ, ພະແນກສຶກສາທິການ ແລະ ກິລາ ແຂວງບໍລິຄຳໄຊ, ຄຳມ່ວນ ແລະ ແຂວງສະຫວັນນະເຂດ ເພື່ອລົງເຜີຍແຜ່ກ່ຽວກັບນະໂຍບາຍຂອງມະຫາວິທະຍາໄລ ຮ່າຕິ່ງ ສສ ຫວຽດນາມ ຕໍ່ຂະແໜງການສຶກສາຂອງລາວ ເພື່ອດຶງດູດເອົານັກສຶກສາລາວໄປຮຽນຢູ່ມະຫາວິທະຍາໄລດັ່ງກ່າວ ໃນສົກຮຽນ 2016-2017. ພ້ອມດຽວກັນນັ້ນ, ທ່ານອະທິການບໍດີ ມະຫາວິທະຍາໄລ ຮ່າຕິ່ງ ຍັງໄດ້ເຊີນໃຫ້ຄະນະນຳ ກະຊວງສຶກສາທິການ ແລະ ກິລາ ໄປຮ່ວມໃນພິທີສະເຫຼີມສະຫຼອງວັນສ້າງຕັ້ງມະຫາວິທະຍາໄລ ຮ່າຕິ່ງ ຄົບຮອບ 60 ປີ ໃນທ້າຍເດືອນເມສານີ້.

ຂະນະດຽວກັນ, ທ່ານ ຮສ.ປອ ກອງສີ ແສງມະນີ ຍັງໄດ້ກ່າວສະແດງຄວາມຕ້ອນຮັບຢ່າງອົບອຸ່ນ ພ້ອມທັງຍິນດີທີ່ມີການຮ່ວມມືລະຫວ່າງ ມະຫາວິທະຍາໄລ ຮ່າຕິ່ງ ກັບບັນດາແຂວງທີ່ໃກ້ຄຽງ (ແຂວງແຮກສ່ຽວ). ພ້ອມດຽວກັນນັ້ນ, ທ່ານຍັງໄດ້ເນັ້ນໜັກໃຫ້ມະຫາວິທະຍາໄລ ຮ່າຕິ່ງ ມີແຜນຮ່ວມມືກັບມະຫາວິທະຍາໄລທີ່ກ່ຽວຂ້ອງຢ່າງລະອຽດ ໂດຍສະເພາະແມ່ນມະຫາວິທະຍາໄລ ແຂວງສະຫວັນນະເຂດ, ເຊິ່ງເປັນມະຫາວິທະຍາໄລທາງພາກກາງຂອງລາວ ທີ່ໃກ້ຄຽງກັບມະຫາວິທະຍາໄລ ຮ່າຕິ່ງ ແລະ ມະຫາວິທະຍາໄລສະວັນນະເຂດ ເປັນມະຫາວິທະຍາໄລທີ່ສ້າງຕັ້ງໃໝ່ ປັດຈຸບັນແມ່ນກຳລັງບຸກເບີກເນື້ອທີ່ປະມານ 500 ເຮັກຕ່າ ແລະ ກຳລັງໄດ້ຮັບທຶນກູ້ຢືມຈາກເອດີບີ ເພື່ອພັດທະນາ ມະຫາວິທະຍາໄລດັ່ງກ່າວ. ໃນສົກຮຽນ 2016-2017 ມະຫາວິທະຍາໄລ ສະຫວັນນະເຂດ ແມ່ນເລີ່ມເປີດພາກວິຊາພາສາຫວຽດນາມ. ສະນັ້ນ, ຢາກໃຫ້ທາງມະຫາວິທະຍາໄລ ຮ່າຕິ່ງ ມີທ່າແຮງດ້ານໃດ ເພື່ອຊ່ວຍມະຫາວິທະຍາໄລ ສະວັນນະເຂດ ໃຫ້ມີພື້ນຖານ ແລະ ມີການຮຽນ-ການສອນທີ່ດີ. ຂະນະທີ່ມະຫາວິທະຍາໄລ ຮ່າຕິ່ງ ເປັນມະຫາວິທະຍາໄລທີ່ຮັບນັກສຶກສາລາວຈາກແຂວງທີ່ໃກ້ຄຽງຫຼາຍ. ຄຽງຄູ່ກັນນີ້, ທ່ານຮອງລັດຖະມົນຕີ ກະຊວງສຶກສາທິການ ແລະ ກິລາ ຈຶ່ງໄດ້ເນັ້ນໜັກໃຫ້ທາງວິທະຍາໄລດັ່ງກ່າວ ຕ້ອງໃຫ້ມີການຄວບຄູ່ໃນເລື່ອງປະລິມານ ແລະ ຄຸນະພາບທີ່ດີ.

ໂດຍ: ສາວແກ້ວອຸດົມ

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png