ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

      juudoການແຂ່ງຂັນກິລາຢູໂດທົ່ວປະເທດ ຄັ້ງທີ 10 ຊີງຂັນທ່ານລັດຖະມົນຕີກະຊວງສຶກສາທິການ ແລະ ກິລາ ຈັດຂຶ້ນລະຫວ່າງວັນທີ 10-11 ພະຈິກ 2018 ທີ່ສະໂມສອນກິລາໃນຮົ່ມບູໂດລາວ-ຍີ່ປຸ່ນ ນະຄອນຫຼງວຽງຈັນ ເພື່ອໃຫ້ນັກກິລາເຍົາວະຊົນກ້າສະແດງອອກໃນເວທີແຂ່ງຂັນ ແລະ ເປັນການປະເມີນຄວາມສາມາດຂອງເຂົາເຈົ້າໃນພັດທະນາຕົນເອງໃນອະນາຄົດ ພ້ອມດຽວກັນນັ້ນກໍ່ເປັນການສ້າງນັກກິລາ ເພື່ອເຂົ້າຮ່ວມການແຂ່ງຂັນກິລາແຫ່ງຊາດ ຄັ້ງທີ 11 ທີ່ແຂວງຊຽງຂວາງ, ການແຂ່ງຂັນຊີເກມ ຄັ້ງທີ 30 ທີ່ປະເທດຟີລິບປິນ ແລະ ເປົ້າໝາຍສູງສຸດຄືມຸ້ງສູ່ໂອແລມປິກ ປີ 2020 ທີ່ປະເທດຍີ່ປຸ່ນ.

ສຳລັບການແຂ່ງຂັນຄັ້ງນີ້ ມີນັກກິລາ 14 ພາກສ່ວນ ລວມ 19 ທີມ ຈາກພາຍໃນ ສ ປປ ລາວ ແລະ ປະເທດໄທ ເຂົ້າຮ່ວມ ແຂ່ງຂັນໃນ 3 ປະເພດຄື ປະເພດອະນຸຊົນ ອາຍຸຕຳ່ກວ່າ 10 ປີ ມີ 7 ຮຸ່ນນ້ຳໜັກ, ປະເພດເຍົາວະຊົນ ອາຍຸ 11-13 ປີ ມີ 8 ຮຸ່ນນ້ຳໜັກ ແລະ ປະເພດທົ່ວໄປ ມີ 15 ຮຸ່ນນ້ຳໜັກ ແນວໃດກໍ່ຕາມ ປີນີ້ ບໍ່ມີການແຂ່ງຂັນປະເພດທີມ ແລະ ປະເພດຟ້ອນ (ຫຼື ກະຕະ) ຜ່ານການແຂ່ງຂັນ ອັນດັບ 1 ສະໂມສອນວຽງຈັນ ທີມ A ຄວ້າມາໄດ້ 6 ຫຼຽນຄຳ ແລະ 4 ຫຼຽນເງິນ ອັນດັບ 2 ສະໂມສອນອິບໂປ້ງ ແຂວງຂອນແກ່ນ ປະເທດໄທ ມີ 4 ຫຼຽນຄຳ 2 ຫຼຽນເງິນ ແລະ 2 ຫຼຽນທອງ ອັນດັບ 3 ສະໂມສອນກະຊວງປ້ອງກັນປະເທດ ມີ 4 ຫຼຽນຄຳ ແລະ 1 ຫຼຽນເງິນ ອັນດັບ 4 ແຂວງສະຫວັນນະເຂດ ມີ 3 ຫຼຽນຄຳ, 2 ຫຼຽນເງິນ ແລະ 6 ຫຼຽນທອງ ສ່ວນ ອັນດັບ 5 ແຂວງຊຽງຂວາງ ມີ 3 ຫຼຽນຄຳ 2 ຫຼຽນເງິນ ແລະ 1 ຫຼຽນທອງ.

ໃຫ້ກຽດເຂົ້າຮ່ວມຊົມ ມອບຫຼຽນລາງວັນ ແລະ ຂັນຊະນະເລີດ ມີທ່ານ ບົວລານ ສິຣິປັນຍາ ຮອງລັດຖະມົນຕີກະຊວງສຶກສາທິການ ລະ ກິລາ ຮອງປະທານຄະນະກຳມະການໂອແລມປິກແຫ່ງຊາດລາວ, ທ່ານ ທາກິຊິ ຮິກິຮາຣະ ເອກອັກຄະລັດຖະທູດຍີ່ປຸ່ນ ປະຈຳລາວ, ທ່ານ ເຂັມຊາດ ພິລະພັນເດດ ປະທານສະຫະພັນກິລາຢູໂດແຫ່ງຊາດລາວ (ພາບມອບຫຼຽນ ແລະ ຂັ້ນ)

ໃນພິທີຍັງໄດ້ມີການມອບໃບຢັ້ງຢືນການສອບເສັງເລື່ອນສາຍ ລະດັບສາຍດຳ ຂຶ້ນ 4 ດັ້ງ 2 ທ່ານ ຂຶ້ນ 3 ດັ້ງ 3 ທ່ານ ຂຶ້ນ 2 ດັ້ງ ແລະ ຂຶ້ນ 1 ອີກຈຳນວນໜຶ່ງ ພ້ອມທັງມອບໃບກຽດຕິຄຸນໃຫ້ຜູ້ສະໜັບສະໜູນການແຂ່ງຂັນ ຄັ້ງນີ້ຕື່ມອີກ.

ຫຼ້າ ສາຍນ້ຳພຽງ

 

 

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png