ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ງານມະຫະກຳກິລາມະຫາວິທະຍາໄລລາວ ຄັ້ງທີ I

ນັກກິລາກອງທັບ        ສະ​ໂມ​ສອນ​ກິລາ​ມວຍ​ສາກົນ ກະຊວງ​ປ້ອງ​ກັນ​ປະ​ເທດ ຫຼື ກອງທັບ ກວາດ 4 ຫຼຽນ​ຄຳ ​ແລະ 2 ຫຼຽ​ເງິນ ຄອງ​ເຈົ້າ​ຫຼຽນ​ຄຳ ການ​ແຂ່ງຂັນ​ກິລາ​ມວຍ​ສາກົນ ຊີງແຊ໋ມ ທົ່ວ​ປະ​ເທດ ຄັ້ງ​ທີ 11 ປະຈຳ​ປີ 2016 ເພື່ອ​ເປັນ​ການ​ຄັດ​ເລືອກ​ນັກ​ກິລາ​ທີ່​ພອນ​ສະຫວັນ​ດີ​ເດັ່ນ ກຽມຕິດ​ທີ​ມຊາດ​ເຂົ້າ​ຮ່ວມ​ແຂ່ງຂັນ 4 ລາຍການ​ໃຫຍ່ ຄື: ການ​ແຂ່ງຂັນຊີງ​ແຊ໋ມລະດັບ ອາ​ຊຽນ ​ແລະ ​ເອ​ເຊຍ ຈະຈັດ​ຂຶ້ນ​ໃນ​ປີ 2017ນີ້.

          ການ​ແຂ່ງຂັນ​ກິລາ​ມວຍ​ສາກົນ ຊີງແຊ໋ມ ທົ່ວ​ປະ​ເທດ ຄັ້ງ​ທີ 11 ຈັດ​ຂຶ້ນ ​ລະຫວ່າງ​​ວັນ​ທີ 23-25 ທັນວາ ຜ່ານ​ມາ ທີ່​ສູນ​ເຝິກ​ກິລາ​ແຫ່ງ​ຊາດ ບ້ານ​ສີ​ເກີດ ​ເມືອງ​ນາ​ຊາຍ​ທອງ ນະຄອນຫຼວງ​ວຽງ​ຈັນ ​ໂດຍ​ໃຫ້​ກຽດ​​ເຂົ້າຮ່ວມ​ ​ແລະ ມອບ​ຫຼຽນ​ລາງວັນ ຂອງ ທ່ານ ອານຸພາບ ຕຸ​ນາ​ລົມ ປະທານ​ສະພາ​ແຫ່ງ​ຊາດ ​ເຂດ​ເລືອກ​ຕັ້ງ​ທີ 1 ນະຄອນຫຼວງ​ວຽງ​ຈັນ ​ແລ​​ະ ທ່ານ ກະ​ເສມ ອິນ​ທະລາ ຮອງ​ເລຂາທິການ​ຄະນະ​ກຳມະການ​ກິລາ​ໂອ​ແລມປິກ​ແຫ່ງ​ຊາດ​ລາວ ພ້ອມ​ດ້ວຍ​ຄະນະ​ບໍລິຫານ​ສະຫະພັນ​ມວຍ​ສາກົນ​ແຫ່ງ​ຊາດ​ລາວ, ຕາງໜ້າ​ຈາກ​ສະຖານີ​ໂທລະພາບ ​ເອັມວີ ລາວ, ​ແຂກ​ຖືກ​ເຊີນ ​ຕະຫຼອດ​ຮອດ ຄູ​ເຝິກ, ນັກ​ກິລາ ​ແລະ ກອງ​ເຊຍ​ຊາວ​ນະຄອນຫຼວງ​ວຽງ​ຈັນ ​ເຂົ້າ​ຮ່ວມຢ່າງຫຼວງ​ຫຼາຍ.

          ສໍາລັບ​ຈຸດປະສົງການຈັດ​ແຂ່ງຂັນ​ຄັ້ງ​ນີ້ ກໍ່​ເພື່ອ​ເປັນ​ການ​ຄັດ​ເລືອກ​ນັກ​ກິລາ​ຜູ້​ທີ່​ມີ​ພອນ​ສະຫວັນ​ດີ​ເດັ່ນ ທັງ​ຮຸ່ນ​ເຍົາວະ​ຊົນ ​ແລະ ທົ່ວ​ໄປ ​ເພື່ອ​ບັນຈຸ​ຕິດ​ທີ​ມຊາດ ກຽມ​ສົ່ງ​ເຂົ້າຮ່ວມ​ແຂ່ງຂັນ 4 ງານ​ໃຫຍ່ ​ກໍ່​ຄື ການ​ແຂ່ງຂັນຊີງ​ແຊ໋ມລະດັບ ອາ​ຊຽນ ​ແລະ ​ເອ​ເຊຍ ຈັດ​ຂຶ້ນ​ໃນ​ປີ 2017 ປະກອບ​ມີ ການ​ແຂ່ງຂັນ ​ຮຸ່ນເຍົາວະ​ຊົນ ​ຊີງ​ແຊ໋ມ​ອາ​ຊຽນ ​ຈະ​ຈັດໃນ​ເດືອນມີນາ ທີ່​ປະ​ເທດ​ໄທ, ຮຸ່ນ​ເຍົາວະ​ຊົນ ຊີງ​ແຊ໋ມ​ເອ​ເຊຍ ທີ່​ປະ​ເທດ​ໄທ ​ໃນ​ເດືອນ​ກໍລະກົດ, ງານ​ມະຫາ​ກຳ​ກິລາ​ຊີ​ເກ​ມ ຄັ້ງ​ທີ 29 ທີ່​ປະ​ເທດ​ມາ​ເລ​ເຊຍ ​ຮັບ​ກຽດ​ເປັນ​ເຈົ້າພາບ ລະຫວ່າງ​ວັນ​ທີ 19-31 ສິງຫາ ​ແລະ ການ​ແຂ່ງຂັນ​ປະ​ເພດ​​ຍິງ ຊີງ​ແຊ໋ມ​ເອ​ເຊຍ ຈະ​ຈັດ​ຂຶ້ນ​​ໃນ​ເດືອນ​ຕຸລາ ທີ່​ນະຄອນຫຼວງ​ໂຮ​ຈິ​ມິນ ສສ ຫວຽດນາມ ​ເປັນ​ເຈົ້າພາບ.

          ການ​ແຂ່ງຂັນ​​ໃນ​ໄລຍະ 3 ວັນ​ດັ່ງກ່າວ ມີ​ການຊີງ​ໄຊກັນ​ທັງ​ໝົດ 3 ລາຍການ ຄື: ຮຸ່ນ​ອາຍຸ​ບໍ່​ເກີນ 14-16 ປີ ມີ​ການ​ຊີງ​ໄຊ​ກັນ​​ເຖິງ 8 ລາຍການ, ຮຸ່ນອາຍຸ 17-25 ປີ ​ຊີງ​ໄຊ​ກັນ 4 ລາຍການ ​ແລະ ຮຸ່ນອາຍຸ 17-30 ປີ ຊີງ​ໄຊ​ກັນ 6 ລາຍການ ​ໂດຍ​ມີນັກ​ກິລາ​ຈາກ 15 ພາກສ່ວນ​, ​ໃນ​ນັ້ນ ມາ​ຈາກ 4 ​ແຂວງ ປະກອບ​ມີ ສາລະ​ວັນ, ຈຳປາ​ສັກ, ຄຳ​ມ່ວນ, ບໍລິ​ຄຳ​ໄຊ, 1 ນະຄອນຫຼວງ​ວຽງ​ຈັນ ​​ແລະ ກອງທັບ ພ້ອມ​ດ້ວຍ​ບັນດາ​ຄ້າຍມວຍ​ພາຍ​ໃນ​ສູນ​ກາງ ເຂົ້າ​ຮ່ວມ 79 ຄົນ ຜ່ານ​ການ​ແຂ່ງຂັນ​ຜົນ​ປາກົດ​ວ່າ: ສະ​ໂມ​ສອນ​ກອງທັບ ສາມາດ​ກວາດ​ແຊ໋ມ​ໄດ້​ເຖິງ 4 ລາຍການ, ​ໃນ​ນັ້ນ ສາມາດ​ຍາດ​ໄດ້​​ໃນຮຸ່ນ​ເຍົາວະ​ຊົນ 3 ລາຍການ ຈາກ ນາງ ສ້ວນ ຈັນ​ສີ ຮຸ່ນ​ນໍ້າໜັກ 52 ກິ​ໂລກຣາມ, ນາງ ຕ້ອຍ​ຫຼ້າ ກ້ອງ​ມະນີ​ຈວງ ຮຸ່ນ​ນໍ້າໜັກ 48 ກິ​ໂລກຣາມ ​ແລະ ນາງ ວິ​ໄລ​ພອນ ວົງ​ພະຈັນ ຮຸ່ນ​ນໍ້າໜັກ 57 ກິ​ໂລກຣາມ ສ່ວນອີກ 1 ຫຼຽນຄຳ ​ແມ່ນ​ໄດ້ຈາກຮຸ່ນ​ທົ່ວ​ໄປ​ ທ້າວ ຄຳ​ພູ​ວັນ ຄຳ​ສູນ​ທອນ ຮຸ່ນ​ນໍ້າໜັກ 49 ກິ​ໂລກຣາມ. ຂະນະ​ທີ່ 2 ຫຼຽນ​ເງິນ​​ໄດ້​ຈາກ ທ້າວ ຈັນ​ກະ​ລິນ ສີ​ສຸລາ​ດ ຮຸ່ນ​ນໍ້າໜັກ 52 ກິ​ໂລກຣາມ ​ແລະ ທ້າວ ສັດຕະຍາ ວົງ​ພະຈັນ ຮຸ່ນ​ນໍ້າໜັກ 60 ກິ​ໂລກຣາມ. 

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png