ກອງປະຊຸມໃຫຍ່ ຄັ້ງທີ 8 ຂອງອົງຄະນະພັກກະຊວງສຶກສາທິການ ແລະ ກິລາ
ກອງປະຊຸມຜູ້ບໍລິຫານການສຶກສາ ແລະ ກິລາ ປະຈຳປີ 2016
ພິທີປິດ ງານມະຫະກຳກິລາ ນັກຮຽນມັດທະຍົມສຶກສາ ທົ່ວປະເທດ ຄັ້ງທີ 6 ທີ່ແຂວງບໍລິຄຳໄຊ ເປັນເຈົ້າພາບ
ງານມະຫະກຳກິລາມະຫາວິທະຍາໄລລາວ ຄັ້ງທີ I

ກົມສຶກສາຊັ້ນສູງ

ອົງການຟຣັ່ງໂກໂຟນີ ປະຈໍານະຄອນຫຼວງວຽງຈັນ (AUF) ຮ່ວມກັບກະຊວງສຶກສາທິການ ແລະ ກິລາ, ມະຫາວິທະຍາໄລແຫ່ງຊາດ ແລະ ສະພາການຄ້າ ແລະ ອຸດສາຫະກໍາແຫ່ງຊາດລາວ ເປີດເວທີສົນທະນາປຶກສາຫາລືຄັ້ງທໍາອິດ ເພື່ອປັບປຸງ ແລະ ນໍາສະໜີຫຼັກສູດການຮຽນສໍາລັບນັກສຶກສາ ແມ່ນຖືຶກຕ້ອງຕາມຄວາມຮຽກຮ້ອງຕ້ອງການຂອງຕະຫຼາດແຮງງານ ແລະ ໄດ້ຄຸນະພາບ ທັງເປັນການຊ່ວຍໃຫ້ເຂົາເຈົ້າກ້າວເຂົ້າສູ່ການປະກອບອາຊີບໄດ້ຢ່າງວ່ອງໄວ ແລະ ມີປະສິດທິພາບ.

ກອງປະຊຸມດັ່ງກ່າວ, ໄດ້ຈັດຂຶ້ນໃນວັນທີ 29 ພະຈິກ ຜ່ານມາ ທີ່ສູນຂໍ້ມູນຂ່າວສານຟຣັ່ງໂກໂຟນີ ວິທະຍາເຂດດົງໂດກ, ໂດຍເປັນກຽດເຂົ້າຮ່ວມຂອງທ່ານ ຮສ.ປອ ສາຍຂອງ ສາຍນາສິນ ຫົວໜ້າກົມການສຶກສາຊັ້ນສູງ ກະຊວງສຶກສາທິການ ແລະ ກິລາ, ທ່ານ ນາງ ຊຸຍລີ ເອລ ມູຕະອຸກິນ-ຣຸດໂຊ ຫົວໜ້າຫ້ອງການອົງການຟຣັ່ງໂກໂຟນີ ປະຈໍານະຄອນຫຼວງວຽງຈັນ ແລະ ທ່ານ ຮສ.ປອ ພຸດ ສິມມາລາວົງ ຮອງອະທິການບໍດີ ມະຫາວິທະຍາໄລແຫ່ງຊາດ ພ້ອມດ້ວຍຕາງໜ້າຈາກຫົວໜ່ວຍທຸລະກິດ ແລະ ຜູ້ຮັບຜິດຊອບວຽກງານກ່ຽວຂ້ອງ.

ການຈັດກອງປະຊຸມຄັ້ງນີ້, ແມ່ນເພື່ອຮັດແໜ້ນການປຶກສາຫາລື ແລະ ການດັດປັບໃຫ້ເຂົ້າກັບການສະເໜີຫຼັກສູດການຮຽນ-ການສອນ ໂດຍໄດ້ມີການສໍາມະນາ ທີ່ເນັ້ນໃສ່ການແລກປ່ຽນຂໍ້ມູນຂ່າວສານ ເພື່ອສ້າງຄວາມຮູ້, ຄວາມເຂົ້າໃຈກ່ຽວກັບສະພາບການດັດປັບການສະເໜີຫຼັກສູດການຮຽນໃນລະດັບການສຶກສາຊັ້ນສູງໃຫ້ເຂົ້າກັບຄວາມຕ້ອງການຂອງຕະຫຼາດແຮງງານຢູ່ລາວ; ການແບ່ງປັນປະສົບການໃນການຈັດຕັ້ງປະຕິບັດໂຄງການຕ່າງໆ ຫຼື ກົນໄກຕ່າງໆ ເພື່ອສະໜັບສະໜູນການດັດປັບຄັ້ງນີ້ ໂດຍໄດ້ມີການຂຶ້ນບັນຍາຍຂອງຊຽວຊານຈາກມະຫາວິທະຍາໄລທີ່ເປັນສະມາຊິກຂອງອົງການ AUF, ຈາກສະພາການຄ້າ ແລະ ອຸດສາຫະກໍາຂອງເມືອງປາຣີອິນເດີຝຣັ່ງ, ສະຖາບັນການທ່ອງທ່ຽວ ແລະ ການໂຮງແຮງແຫ່ງຊາດລາວ. ນອກຈາກນີ້, ຍັງມີກອງປະຊຸມໂຕະມົນເພື່ອປຶກສາຫາລືແລກປ່ຽນກ່ຽວກັບວິທີການຕ່າງໆທີ່ຈະນໍາໄປຈັດຕັ້ງປະຕິບັດ ເພື່ອສົ່ງເສີມການຈ້າງງານນັກສຶກສາຈົບໃໝ່ຢູ່ລາວ ແລະ ເພື່ອສົ່ງເສີມການຕິດຕໍ່ພົວພັນໃນການສ້າງຄູ່ຮ່ວມງານລະຫວ່າງຂົງເຂດມະຫາວິທະຍາໄລ ແລະ ພາກສ່ວນບໍລິສັດ.

ສໍາລັບກອງປະຊຸມສໍາມະນາລະຫວ່າງມະຫາວິທະຍາໄລ ແລະ ບໍລິສັດຕ່າງໆ, ແມ່ນກຽວຂ້ອງກັບບັນດາສະຖາບັນຂອງພາກລັດໂດຍກົງ ເພາະແຕ່ລະຫົວຂໍ້ສໍາມະນາ ແມ່ນເປັນທີ່ຍອມຮັບຢ່າງກວ້າງຂວາງ ເປັນຕົ້ນແມ່ນກະຊວງສຶກສາທິການ ແລະ ກິລາ, ກະຊວງອຸດສາຫະກໍາ ແລະ ການຄ້າ ແລະ ກະຊວງຖະແຫຼງຂ່າວ, ວັດທະນະທໍາ ແລະ ການທ່ອງທ່ຽວ. ທັງນີ້, ກໍ່ເປັນການເລີ່ມຕົ້ນການຮ່ວມມືທີ່ຍາວນານ ແລະ ໝັ້ນຄົງລະຫວ່າງຂົງເຂດການສຶກສາ ແລະ ຂົງເຂດວິຊາຊີບສັງຄົມ.ກົມສຶກສາຊັ້ນສູງ (2)

ນສພ ສຶກສາ-ກິລາເດືອນຫຼ້າສຸດ

ວາລະສານກິລາ

ໂທລະພາບ

ວິທະຍຸ

ວິທະຍຸກິລາ
102.pngBeerlao_Prime_Minister's_Cup.pngLao toyota.pngf889234799e865bbe90cee71f6cd2e53_L.pngfooterslide7.png